Páginas

domingo, 5 de noviembre de 2017

Proxecto de Relixión.

Ao longo do trimestre, os alumnos de 5º e 6º estamos traballando un proxecto de representación de textos bíblicos. Baseado neles creamos os nosos propios guións, repartimos papeis entre os membros do grupo, axustamos os guións ao tempo, engadimos recursos de decorados e preparamos as vestimentas. Antes de finalizar o trimestre terá lugar o Producto Final do proxecto coas representacións teatrais.
Os obxectivos do proxecto son adquirir un maior coñecemento da Biblia, dos personaxes bíblicos máis importantes e dos acontecementos históricos máis destacados. Do mesmo xeito levamos a cabo traballo cooperativo, expresión escrita e oral, traballo memorístico e representativo e moita creatividade.  






domingo, 8 de octubre de 2017

Proxecto 1: Viaxamos en Interrail !!


Comezamos este curso 17/18 cun proxecto moi ambicioso pero esperamos que moi motivante para os nosos alumnos/as que consistirá na organización dunha viaxe en Interrail polo vello continente.

A través de este proxecto imos profundizar na organización da UE, así como nas características físicas, paisaxísticas, hídricas e climáticas do continente no que vivimos. Ademais os rapaces deberán pensar e planificar toda a loxística (aloxamentos, equipaxes, presuposto...) dunha gran viaxe como a que están a punto de comezar!

A continuación adxúntanse algúns vídeos e enlaces interesantes tanto para estudar como para axudar ao desenvolvemento do deste proxecto:



















Queridos amigos, 

Comezamos un novo curso que traerá novas oportunidades de seguir crecendo como persoas e compartindo soños e proxectos. Un curso que ofreceranos momentos de celebrar a amizade e a vida, de disfrutar do que somos e do que facemos, de estudar e de prepararnos como ser felices e para construir un mundo mellor.


miércoles, 28 de junio de 2017

lunes, 12 de junio de 2017

Proxecto final de etapa: realizar un corto entre todos.

 
Preme nesta imaxe e accede á páxina:
 
http://www.uhu.es/cine.educacion/guiascine/0guiacine2.htm

 
 
Corto finalista nos premios Nacionais de Seguridade Viaria 2016.
Realizado polos alumnos de 6º de Primaria do S.C. de Placeres.
 
 
 
Exemplo de curtametraxe.
 
 
Exemplo de curta para unha campaña contra a violencia de xénero.
 
 
Sé. Bureta.
 
 
Qué ocurrió en Sancho's Gate
 
 
 

lunes, 5 de junio de 2017

Revolución industrial.

Estamos facendo un proxecto de investigación do que foi e do que supuxo nas nosas vidas a revolución industrial. Velaí tendes un vídeo de explicación.

miércoles, 10 de mayo de 2017

Manzaneda 2017.

De camiño (10/05/2017)

Chegada a Manzaneda ás 13:00h.


Tarde:







Merenda.

Cea

Velada:


Comezando o día. (11/05/17)


Tarde:



Comezamos a último día. (12/05/17)




Actividades:













Despedíndonos de Manzaneda. Arredor das sete da tarde chegaremos ao noso Colexio. 



jueves, 20 de abril de 2017

NOVO PROXECTO: VIVA A PEPA.

 
 

 

 

 

Comezamos un proxecto onde imos traballar o paso do absolutismo ao liberalismo. Para iso podemos empregar estes vídeos:

La España del siglo XIX:

Como cambió Francia con la Revolución Francesa:
  
La Guerra de la Independencia:


Cómo empezó la invasión francesa Geografía e Historia Educación: 



Reinado de Isabel II:




O Rexurdimento Galego:


Exposicións: 


 
 
 
 
 
 

viernes, 24 de marzo de 2017

Having fun with irregular verbs


En 6º de Primaria estamos acabando el trimestre y les toca aprender a hablar en pasado y manejar los temidos verbos irregulares.Andrea les ha seleccionado un grupo para este curso. En Practical English han hecho tarjetas a mano con la forma del verbo en presente y pasado y hemos jugado a emparejar las formas correspondientes de cada verbo.¡Mucho más divertido!

domingo, 12 de marzo de 2017

NOVO PROXECTO: HÁBITOS SAUDÁBEIS. FERRAMENTAS DE APRENDIZAXE.

No presente proxecto imos traballar a nutrición humana; para iso engadimos a continuación diferentes ferramentas que servirán para investigar sobre algo que é de vital importancia.
 
 
 
Preme na imaxe e xoga. Aprenderás todo o relativo ao aparato locomotor e a nutrición.
 
http://www.educa.jcyl.es/educacyl/cm/gallery/Recursos%20Boecillo/CUERPO%20HUMANO/index.html
 
Medro feliz. Preme na imaxe.
http://ares.cnice.mec.es/ciengehi/c/00/index.html
 
 
 
 
 
 

sábado, 11 de febrero de 2017

OS FAMILIARES VISITAN A AULA DENTRO DO PROXECTO DOS OFICIOS.

Un total de dez familiares visitaron aos alumnos de 6º de Educación Primaria durante o último mes para falar dos oficios dentro do proxecto "De maior quero ser..." que trata dos sectores económicos. Foi unha experiencia única que outorgou coñecementos de primeira man e até algún que outro consello para o futuro. Nais, pais, avoas, avós e tías, cunha didáctica inmellorable, contribuíron a realizar este proxecto.   

María Argibay, 10 de marzo de 2017.
Coa charla de María Argibay, familiar dunha alumna e xornalista de profesión no Diario de Pontevedra, pechamos o ciclo de charlas sobre os oficios e ademais conmemoramos a semana da prensa que estamos traballando no Colexio. María falounos do día a día dunha profesión tan fermosa como ás veces complexa pero feita sempre dende a vocación que compartiu con todos. Grazas ao seu relato, soubemos da vida dun xornal, do traballo de redacción, deseño ou impresión. Tamén relembramos o pasado proxecto de "Somos xornalistas" cando nos falou das entrevistas, das seccións do rotativo ou do traballo que fan os fotógrafos. Outro oficio que coñeciamos ben dende fóra e moi pouco dende dentro. Agradecemos a María a súa oportuna presenza e a súa xenerosidade. 
 
 
 
Sito Santiago, 9 de marzo de 2017.
Hoxe puxémoslle un pouco de "marcha" á nosa aula grazas a Sito e ao seu equipo de Dibay. Na súa divertida exposición, acompañada de abundante material: micrófonos, mesa de son,  equipos de luz ... falounos dos múltiples traballos que recolle o seu oficio dende a imprenta até a montaxe en eventos como son, por exemplo, os concertos. Foi unha charla que animou a mañá e nos proporcionou aprendizaxes sobre un oficio do que sabiamos algo dende fóra e moi pouco dende dentro. Agradecemos a Sito a súa presenza, a do seu equipo, e a súa xenerosidade.

    
Xosé Rodríguez, 8 de marzo de 2017.
Hoxe tivemos unha visita diferente e especial. Xosé, pai dun alumno de 6º, axente forestal e responsable da base aérea do Campiño, estivo na nosa aula para falarnos dun traballo fundamental para a conservación do noso medio. Este experimentado axente, ensinounos de primeira man as tarefas anuais que realizan en todo o noso territorio. A segunda parte foi unha enorme sorpresa, saímos ao patio e alí agardábanos un importante equipo de prevención de incendios xunto a un camión e dous coches de axentes. A esta visita uníronse alumnos de Educación infantil e Educación especial que tamén lembraron a súa recente visita aos bombeiros de Pontevedra. Agradecer a Xosé a súa presenza e a de todo o seu equipo así coma toda a xenerosidade amosada.






Inés Méndez , 3 de marzo de 2017.
Inés é traballadora autónoma e rexenta unha empresa de Pontevedra dedicada ao aluguer de vehículos de transporte persoal eléctricos e a pedais. Hoxe falounos do seu día a día nunha tenda ateigada de Ninebots, bicicletas, tándems, patinetes ou Trikers. Tamén falou dos conceptos de "autónomo" e "empregado"; da influencia que ten o mal tempo no seu  negocio ou da importancia do bo trato a cada un dos clientes. Nesta interesante charla de Inés non faltaron as preguntas de todos para poder ampliar unha interesantísima información sobre un oficio diferente.  Agradecemos a súa presenza e xenerosidade.


   
Luisa Tajes , 23 de febreiro de 2017.
Luisa traballa na residencia de anciáns de Marín. Leva moitos anos no oficio, algo que percibimos ás claras a través desta charla na que aprendemos e tomamos conciencia da vida interna dunha residencia de anciáns. Grazas a Luisa soubemos dalgunhas doenzas, das súas características e dos seus coidados; das tarefas que desenvolven e da paixón por unha profesión para a que hai que ter unha clara vocación ademais dos estudos pertinentes. Para rematar tróuxonos un aparello co cal medimos a tensión. Agradecemos a súa presenza e xenerosidade.

 

Celia Buceta , 22 de febreiro de 2017.
Sempre ollamos dende as aulas o quefacer diario de centos de mariscadoras e mariscadores que ateigan os areais da Ría de Pontevedra; hoxe visitounos Celia, mariscadora de varias xeracións que nos achegou interesantes coñecementos sobre o oficio. Foi na mesma praia de Praceres onde puidemos coñecer as técnicas e os aparellos precisos para a extracción da ameixa. Despois desta práctica regresamos á aula con Celia onde puidemos ver as diferentes vestimentas do oficio, ollar os bivalvos vivos ou os aparellos de medición de ameixa. Toda esta charla acompañouse dunha morea de preguntas que de seguro deixaron a cada alumno unha información útil para continuar investigando. Agradecemos a súa presenza e xenerosidade.


Ana Amoedo, 20 de febreiro de 2017.
Ana rexenta unha peluquería en Pontevedra. Leva máis de vinte anos traballando no sector e hoxe visitounos para falarnos do seu oficio, do seu día a día e da formación precisa para exercer esta profesión. Ensinou materiais e explicou diferentes e complexas técnicas; tamén nos transmitiu o gusto polo que fai e a ilusión de contribuír a "poñer á xente guapa". O tempo quedounos curto pero seguro que nos volveremos a ver. Agradecemos a súa presenza e xenerosidade.


 
Manuel Soage, 16 de febreiro de 2017.
Manuel traballou na construción. Como avó dun alumno non perdeu a oportunidade de visitar a nosa aula para falarnos, máis aló dos oficios, dunha época da que queda a vivencia da súa xeración. Falounos de emigración, da vida lonxe da casa ou de diferentes formas da vida ao longo das últimas décadas.  Foron todos relatos e historias únicas. Agradecemos a súa presenza e xenerosidade.
 
 

 
José Manuel Landín, 13 de febreiro de 2017.

José Manuel, avó dunha alumna, trouxo á nosa aula aprendizaxes sobre o mundo das redes. Con máis de corenta anos de traballo, este experimentado redeiro, amosounos diferentes técnicas de confección de redes así como algún vídeo sobre o emprego das mesmas. Foi unha charla moi didáctica acompañada dunha sesión-taller onde puideron facer unha pequena iniciación ao oficio. Agradecemos a súa presenza e xenerosidade.


María Santiago, 9 de febreiro de 2017.
O pasado xoves 9 de febreiro, recibimos a María que nos falou do seu traballo na industria madereira e das tarefas que realiza na mesma. Foi unha visita moi interesante, con moitas aprendizaxes e cunha interesante comunicación entre todos. María trouxo diferentes pezas de madeira coas cales puido explicar a montaxe dos taboeiros. Agradecemos a esta nai o tempo que empregou para acompañarnos nunha fermosa xornada.


                                               

Proxecto:
Para entender os sectores: